ຜ່ານໄປດ້ວຍດີໄນການຂື້ນສານຂອງຄນະບໍຣິຫານວັດລາວພຸທທາຣາມ,Feb.3, [b][/b]2010 ຄຳເຫັນຂອງຜູ້ພິພາສາເຫັນວ່າເປັນເຣືອງຂອງຄວາມຂັດແຍ້ງກັນສ່ວນຕົວຄືເກົ່າ ເພາະຫາຫລັກ ຖານອັນໃດກໍບໍ່ມີໃນການສໍ້ໂກງຂອງກັມະການ ມີແຕ່ການລາຍງານບໍ່ແຈ່ມແຈ້ງແລະບໍ່ເຂົ້າຣະບົບ ປານໃດເທົ່ານັ້ນ ຊື່ງສາມາດສອບຖາມກັນເອງພາຍໃນຄນະກັມມະການກໍໄດ້ ບໍ່ຈຳເປັນຈະໃຊ້ສານ ແລະທະນາຍ ເປັນການຊີ້ນເປືອງເງິນ ທີ່ຈະນຳຄວາມຫາຍະນະມາສູ່ຕົນເອງແລະຄອບຄົວ, ຄິດ ່ວ່າຄະດີນີ້ຄົງຈະຈົບລົງໃນບໍ່ນານເທົ່າໃດນີ້ ແລ້ວຈະແຈ້ງຂ່າວຄືບຫນ້າໃຫ້ທ່ານຊາບຕໍ່ໄປ ເປັນໄລຍະ.

ເວລານີ້ຊາວລາວ Murfreesboro, TN ຄົງຈະໄດ້ຮຽນຮູ້ຫລາຍເຕີບແລ້ວໃນການເປັນຢູ່ຮ່ວມ
ກັນໂດຍສັນຕິໃນປະຊາຄົມລາວຕ່າງແດນ. ສາສນາ, ວັດວາ ແລະຄູບາອາຈານເປັນພາກສ່ວນ ຂອງການດຳຣົງຊີວິດຊ່ວຍໃຫ້ມີຄວາມສງົບສຸຂ ບໍ່ແມ່ນບ່ອນທີ່ຈະໄປແຂ່ງດີແຂ່ງເດັ່ນກັນ, ບໍແມ່ນ ເວທີການຕໍ່ສູ້ກັນເອົາຊນະເອົາປຽບກັນ, ບໍ່ແມ່ນສຖານທີ່ຈະໄປສ້າງຊື່ສຽງແລະແຜ່ຜາຍລັດທິການ
ເມືອງ, ຖ້າມີຄວາມຂ້ອງໃຈ ສົງໃສໃນບັນຫາໃດໆກໍສາມາດຖາມກັນໄດ້ໂດຍບໍ່ຈຳເປັນຈະໄປໄຊ້ທະ ນາຍຄວາມແລະສານ ທຸກຄົນທີ່ອຸທິດເວລາເຮື່ອແຮງແລະຊັພສິນໄປສ້າງວັດທຳບຸນ ລ້ວນແລ້ວແຕ່ ມີນຳ້ໃຈເສັຍສະລະບໍ່ຄວນເບີ່ງກັນໄປໃນທາງລົບ,ຄວນໄຊ້ສະຕິປັນຍາສຶກສາຫິ່ນຕອງດ້ວນຕົນເອງ ບໍ່ຄວນໄປຟັງຄຳກ່າວຮ້າຍ ຂອງຜູ້ທີ່ບໍ່ຫວັງດີ,ຫວັງປັກປຳ້ທຳລາຍບຸກຄົນໃນທາງສ່ວນຕົວ ໂດຍ ອາໄສວັດແລະສມາຊິກເປັນເຄື່ອງມື ຖ້າເຮົາເຜີຕົວຫລົງເຊື່ອຄົນພວກບໍ່ຫວັງດີນີ້ແລ້ວຄວາມຫາຍະນະ
ຈະເກີດຂຶ້ນແລະໄຫ້ມລາມໄປໃນສັງຄົນ ຈະນຳໄປສູ່ຄວາມແຕກແຍກແລະເພພັງຂອງສັງຄົມລາວ.

March 27,2010 ຄນະສະພາອຳນວຍການ ໃດ້ພົບກັບທະນາຍເພື່ອປະສານຕໍ່ບັນຫາທີ່ຍັງ
ບໍ່ຈົບ ເພາະທາງວັດແລະຄນະບໍ່ໄດ້ຮັບຄວາມເປັນທັມຈາກຜົນການຕັດສີນ ຂອງຜູ້ພິພາກສາ.
ວັດລາວພຸທທາຣາມ ຖືກພວກກຸ່ມທີ່ບໍ່ຫວັງດີສ້າງຄວາມເສັຍຫາຍເປັນຈຳນວນເງິນສົດ $32,808 ເວລານີ້ຍັງເປັນຫນີ້ ແກ່ທະນາຍຢູ່ $5,425 ການສູນເສັຍຄັ້ງນີ້ຖ້າຈະລວມ
ທັ້ງການກະທົບທາງອື່ນເປັນຕົ້ນລາຍໄດ້ຕົກເນື່ອງຈາກ ສ້າງຄວາມສົງໄສໃຫ້ແກ່ປວງຊົນວ່າພວກ
ກຳມະການສໍ້ໂກງກິນເງິນ ວັດຈິງຫລືບໍ່ ລະບໍ່ມາອູ້ມຊູຍ້ອນເຫດຜົນດັ່ງກ່າວກໍຄົງບໍ່ຕຳ່ກວ່າແສນ
ດອນລາ.ດັ່ງນັ້ນໃນບາດກ້າວຕໍ່ໄປນີ້ກໍແມ່ນການຂໍຂ່າເສັຍຫາຍຄືນຈາກກຸ່ມດັ່ງກ່າວນີ້ມາ
ແທນວັດ ໃນເຫດຜົນທີ່ກຳມະການຖືກຟ້ອງເສັຍຫາຍເງິນວັດໂດຍບໍ່ມີຄວາມຜິດໃດໆແລະ
ບໍ່ມີຄວາມຈິງຈັກຢ່າງ. ຂໍໃຫ້ທ່ານພີ່ນ້ອງລາວຈົ່ງຄອຍຕິດຕາມຄວາມຄືບຫຍ້າຈະເປັນແນວໃດ,
ຕາມທັມະດາແລ້ວພວກເຮົາຄນະກັມະການກໍ່ບໍ່ຢາກສືບຕໍ່ບັນຫາດັ່ງກ່າວໃຫ້ຍືດເຍື້ອ ແຕ່ມັນຈຳເປັນຈະຕ້ອງເຮັດ ເພື່ອຈະໄດ້ສອນໃຫ້ຄົນທີ່ມີຄວາມຄິດຕຳ່ໆໄດ້ຣຽນຮູ້.